L.A. to San Diego

Am hütige Tag isch dr Bsuech vom Sea World in San Diego ufm Programm gstande. Mir si uuu gspannt gsi!

Aber zersch muess me sich jo vor somene Usflug ou no rechtig stärche...

Mmmhh... e Insidertipp hei mir becho. U de was für eine... Soooo feine Kafi u soooooo vill feini Chüeche uf eim Huufe hei de Luki u i würkli no niene gseh. 

De Name vo dem Käfeli isch übrigens Pannikin Coffee & Tea u liegt in Encinitas. Me gsehts grad vor Stross us, dass es muess guät si. D Lüt stönd nämli bis ufd Strass use :) Me wartet aber nid so lang, u s sisch jedi Minute wärt gsi :)

Als kröndende Abschluss vo dem mega coole Tag simer de no chli go Pazifikluft schnuppere u dr Sonneundergang gniesse. Wow, eifach troumhaft... Chönnt me sich glatt dra gwöhne ;-)

So, u schlofe düemer itz übrigens im Bay Inn Motel in San Diego. Sehr zentral, mitte i all de Bude wie In'n'Out, Burger King, Starbucks, Panda Food, etc.