Kanab isch übrigens es mega härzigs, wildwescht ähnlichs Städtli. Übernachtet heimer i de Parry Lodge. Mir hei no usegfunde, dass Szene us verschidnigi Filme do dräit worde sind, drum heisst die Lodge ou "Little Hollywood" :)
Vo Kanab simer de in Richtig Bryce Canyon. Leider hets Wätter nid so mitgspilt, aber es isch trotzdem e coole Tag worde.
Bsunders wil mit am Wäg a e dütschi Bäckerei hei gfunde mit meeega feinem, knusprigem Brot! :-) U de heimr no s Sändwitsch mit Suurchrut, Schinke und Swiss Cheese probiert ;-) Gar nid schlächt :-)
Trotz nasse Usichte simmer de zu de nögschte Nationalparks gfahre. Do sind Idrück vom Bryce Canyon:
Und do vom Zion NP:
Übernachte düemer jetz in St. George.
Zum z Nacht hei mir naütrli üses erstandne Brot wele verspiise u hei nis es schöns Fleischplättli dezue vorgstellt ;-)
Nach 1stündigem, vergäblichem Sueche nacheme Läbesmittellade simer de ine Tankstelleshop, hei üs chli Trochefleisch u nes Bierli zu üsem Brot gönnt :-)
De Sunneundergang hüt isch übrigens super gsi!! :-)
Kommentar schreiben
Brigi (Mittwoch, 13 August 2014 11:19)
Hi Ramona und Luki
schmunzel, schmunzel - euer kaltes plaettli zum feinen brot sieht aber trotzdem gluschtig aus:)
Tolle bilder, die ihr uns da schickt. Obwohl ich anhand der kleider zuerst dachte, ihr seid in alaska oder so gelandet... aber das wird schon wieder mit sonne und waerme - spaetestens im 'death valley... ;) Gute fahrt und weiterhin viel spass ! Take care, Brigi & Boffe