Nach dere nur einigermasse agnähme u relativ churze Nacht het de es richtigs zMorge änemüsse :-) Thanks, Starbucks! Die düe ou am Sonntig scho am 6i uf zu üser Fröid :-)
Da mir so früeh si ufgstande, simer ou sehr früeh im Yosemite Park gsi u hei di mönschelääri Natur chönne gniesse. Sehr idrücklich gsi!
Die Fötteli stamme no rächt vom Afang vom Park. Es isch e wunscherschöni Fahrt gsi bis mir schliessli im Visitorcenter, rächt im Weschte vom Park, sind acho.
Im Park simmer de ca. 3 Stund e wunderschöni Wanderig go mache. Sehr imposant! Unde gsänder jetzt es paar Bilder vo dere Wanderig.
Übernachte düemer in South Lake Tahoe. Wunderschön am See gläge :-) U hüt simmer richtig feins BBQ am See go ässe, im Beach House. Sehr z empfähle. Mmmhhh...
Z'Nacht ässe am See u drzue dr Sunneundergang gniesse. Was wotsch no meh :-)
Kommentar schreiben
Brigi (Dienstag, 19 August 2014 06:09)
Huch, isch die Portion im Beach House für 1 Person gsi??? Jo z'Amerika muess niemmer verhungere...;)
Wahnsinns schöni Biuder vo dene Parks, mit Wehmuet dänki do a mini Reis vor langer Zyt zrugg... seufz... Auso i hätt mi schwär chöne für ne Klassifizierig entscheide, wöu jo jede wieder andersch usgseht und für mi eifach jede faszinierend gsi isch. Und s'Wätter spielt natürli ou e grossi Rolle.
I däm Sinn: witerhin SUN, FUN & a LOT to do:-))
Brigi