Hüt heimer San Francisco hinter üs glo u si los in Richtig HW No. 1! :-) E wunderschöni Strass ar Küschte entlang. Unbedingt sehenswert!
En churze Halt heimer de underwägs bimne Lüchtturm uf de Sitte gmacht. Schöne Ussichtspunkt hets gha und es chlises Museeum zum Lüchtturm.
Dert hei mr de sogar di erschte wilde Seehünd gseh! Fuuli Gsellschaft das ;-)
Z Mittag gässe heimer de z Daveport grad am Meer im ne chliine Käfeli. Mega fein u sehr fründlichi Bedienig. Fish and Chips dert sind aso super :-)
Dert a de Küschte hets ganz vill Artischocke-Fälder, drum heimer dänkt, müemer doch mal Artischocke probiere. Händ ehr scho mal Fried Artichokes gha? Mmmhh... im Fall mega fein! :-)
E Bsuech im Monterey Bay Aquarium het natürli ou nid döfe fähle. Idrücklich :-)
Übernachte düemer jetzt in Carmel-by-the-Sea im Carmel Mission Inn. Definitivs luxeriöösischte Hotel bis jetzt (dementsprächend ou chli türer, het sich aber glohnt) Nomol e Nacht im Outo heimer nid wele riskiere ;-)
z Nacht gässe heimer übrigens im Lugano Swiss Bistro. De Chef isch en Churer. Leider isch er aber nid im Huus gsi. s Menü isch gsi: Salat - Chäsfondue - Fondue Chinoise - Schoggifondue :-) Mmmhh sehr fein gsi! Aber vill!
Kommentar schreiben