Am Morge simer de in Carmel no chli das Dörfli go aluege, wo grad näbe üsem Hotel isch gsi. Sehr härzig bouet :-)
Vo Carmel us simer de witter Richtig Süde gfahre. S Zil isch Lompoc. Vor üs liegt eine vo de schönschte Abschnitte vom HW No. 1 und wieder vill vill Meeresblick :-)
Plötzli händ de Luki und i üs agluegt: Isch das jetzt e Wal gsi??
Oohh ja, mir hei Wale gseh u zwar nid wenigi. Hüt isch übrigens eh sehr e tierriche Tag gsi, wie dir no wärdet gseh. Also voll mis Ding :-) Aber ou de Luki isch quite excited gsi :D
En Seeotter, wo grad e Chräbs bi lebändigem Liib verspiist, heimer ou gseh. Zemmli grüselig, das ganze ;-)
Kolonie vo riesige Seeelephante heimer ou no gsichtet. Dasch rächt e fuuli Familie gsi ;-)
Übernachte düemer in Lompoc im ne Motel 6. Ganz gäbig gläge für de morn witter z reise richtig Los Angeles. Mir freue üs scho druf :-)
Kommentar schreiben