S Tagesziel hüt isch Los Angeles gsi. Je witter südlich dass mir cho sind, desto meh hets nach richtige Strandferie gschmöckt ;-) En "churze" Stopp heimer de no z Camarillo im Outlet gmacht, wo de Luki und i no so "einiges" sind go pöschterle ;-)
Bevor mir üs aber id Shopping-Meile gstürzt hei, simer no chli am Strand vo Santa Barbara go entspanne. Sehr schön gsi, perfekt vo de Temperatur, nid z heiss, aber gnueg warm zum Bädele :-)
Zit isch schnäu dure u mir hei üs müsse uf de Wäg mache für is Hotel uf LA. Diräkt am Strand söu das Hotel sie, aber lut Google Maps ;-)
Gspannt simer also zum Hotel gfahre und nid enttüscht worde. Isch zwar scho dunkel, aber mir hei glich chönne erkenne, dass nur dr Sandstrand üs vom Meer trennt ;-) s Zimmer isch chli, aber suuber und sympathisch, u de Bsitzer vom Hotel sehr nätt.
z Nacht heimer grad i eim vo dene villne Strandlokal gässe, wo rund um üses Hotel verteilt si :-)
Kommentar schreiben