Hüt simer id Universal Studios gange. Mir hei ke Ahnig gha, was üs erwartet, aber mir hei ghört, dass me das muess gseh ha ;-) u das stimmt! Würkli meeega cool gsi! Es het sich definitiv glohnt :-)
Mir hei Begägnige mit "bekannte" Gsichter gha ;-)
Nach em JurassicPark-Ride simer zemmli nass gsi ;-) Isch e richtig schöni Erfrüschig gsi a dem heisse Tag.
Sehr interessant isch ou d Studio-Tour gsi, wo me miteme Wägeli so dur verschednigi Filmsets dürefahrt. Nöime hämmer sogar ganz still müsse si, will si i de Gebäude, womer verbiigfahre si, CSI Las Vegas dräiht hei! Leider heimer aber ke Blick ine chöne erhasche.
Sehr sehenswärt isch ou d Waterworld-Show. Isch wienes chlises Theater gstaltet, mit ächte Flugzüg, Stunts und vielem meh. Üs ischs Muul nur so offe blibe ;-)
Nach somne spannende u ufregende Tag heimer s de am Obe no chli mit Spaziere am Strand gmüetlich gno. Eifach wunderbar, das Meer...
Kommentar schreiben