Brooklyn - US Open

Hüt isch e Tag mit 3 grosse Höhepünkt ufem Programm gstande. Dorom heimer üs scho meeega uf dä Tag gfreut :-)

s Erschte Highlight isch e Bsuech i de Tabernacle Church gsi in Brooklyn. Sehr idrückliche Gospelgottesdienscht gsi, eifach ungloublich... De Gsang u d Botschaft, dr Hammer!! :-)

s Zwöite Highlight isch denn en Walk zrugg über d Brooklyn Bridge gsi richtig Manhatten. E wunderschöne Blick uf Manhatten het sich üs zeigt.

U s letzte grosse Highlight hüt isch dr Match a de US Open :-)

Mir hei no es Billet für d Nigh Session ergatteret. Leider heimer de festgstellt, dass de Fedi am Mittag spilt. Deför heimer d Bencic chönne luege, di jungi Ostschwizerin. Het sich glohnt ;-)

Vor allem wöus de meeeeega gschiffet het, dass si d Mittagsession hei während em 1. Satz im Spil vom Federer müesse abbräche u erscht am Abe wieder wittergspilt hei. Mir hei dr Fedi also glich no chönne gseh!! Wow!! Mega cool gsi!